మంగళవారం, 19 జులై 2011( 12:29 IST )తెలంగాణ అంశం అత్యంత సున్నితమైన అంశమని ప్రధానమంత్రి డాక్టర్ మన్మోహన్ సింగ్ అభిప్రాయపడ్డారు. అలాగే రాష్ట్ర విభజన అంశంపై సీమాంధ్ర ప్రాంత ప్రతినిధులు అందించిన సమాచారాన్ని కాంగ్రెస్ కోర్ కమిటీ సభ్యులకు వివరిస్తానని మంగళవారం ఆయనను కలిసిన సీమాంధ్ర ప్రాంత ప్రజా ప్రతినిధులకు ప్రధాని హామీ ఇచ్చారు. మంగళవారం ఉదయం సీమాంధ్రనేతలతో ప్రధాని భేటీ అయ్యారు. ఈ సందర్భంగా ఆయన వారితో మాట్లాడుతూ.. తెలంగాణ సమస్య అతి సున్నితమైందని, ఆచూతూచీ వ్యవహరించా లని ఆయన సూచించారు. తెలంగాణ సమస్యపై పార్టీ కోర్‌కమిటీలో చర్చిస్తామని ఆయన వారికి హామీ ఇచ్చారు.
ఇదే అంశంపై సమైక్యాంధ్ర కాంగ్రెస్ ఫోరం కన్వీనర్ ఎన్.శైలజానాథ్ మాట్లాడుతూ.. సమైక్యాంధ్రతోనే తెలంగాణ అభివృద్ధి సాధ్యమని తాము ప్రధానికి వివరించామన్నారు. తెలంగాణ వారు చేస్తున్న రాజకీయ డ్రామాలపై ఆయనకు వివరించామన్నారు. శ్రీకృష్ణ కమిటీలోని మంచి ప్రతిపాదనలను అమలు చేయాలని తాము కోరామన్నారు.
====================
(SOURCE - MSN WEBDUNIA)
The idea behind this blog is to educate/help/enlighten and not to create controversy or to incite. The opinions and views expressed on this blog are purely personal. Please be soft in your language, respect Copyrights and provide credits/links wherever possible.The blog team indemnifies itself of any legal issues that may arise out of any information/ views posted by anyone on the blog.
No comments:
Post a Comment